Ценети наши државјани, почитувани наши пријатели во Северна Македонија,

 Како Амбасадор на Република Туркијево Република Северна Македонија започнав со мојата должност на 18 септември 2026 година.

Односите помеѓу Туркије и Северна Македонија ја црпат силата од заедничката историја и човечките врски, и на ниво на стратешко партнерство поседуваат јаки политички, економски, трговски и воени односи.

Туркије, која веднаш по независноста ја призна Македонија и прва отвори Амбасада, за стабилноста, безбедноста, просперитетот и развојот на оваа пријателска земја, продолжува да дава поддршка во разни области како што се трговија, одбрана, енергетика,  инфраструктура,земјоделство, туризам, образование, култура и здравство.

На чело со Претседателството на турската агенција за соработка и развој-ТИКА, Институтот Јунус Емре, училиштата Маариф, ТРТ, Агенцијата Анадолија, Меѓународниот Балкански Универзитет, Туркиш ерлајнс, Халкбанка, АСЕЛСАН и низа други наши установи, институции, невладини организации, доброволци и претставниците од приватниот сектор ќе продолжиме даработиме во насока на продлабочување и развивање на односите помеѓу нашите земји.

Како две пријателски земји и сојузници, Туркије и Северна Македонија придонесуваат кон зајакнување на мирот, стабилноста, безбедноста и просперитетот на Балканот.

Северна Македонија претставува пример за Балканот и светот со својата култура на заеднички соживот во мир, црпејќија својата сила од своето етничко и културно богатство.

Овие простори каде што и основачот на нашата Република, ветеранот Мустафа Кемал Ататурк се школувал, ја вдишал атмосферата набогатата култура и толеранција, тие истовремено се татковина и на турската заедница во Македонија која сочинува мост на пријателството помеѓу нашите земји.

Турската заедница во Северна Македонија и нашите државјани кои на времето се доселиле во нашата земја играат улога на еден вид на човечки мост помеѓу двете земји, и дополнително ги збогатуваат нашите односи. Бројот на нашите државјани кој расте и студентите кои студираат високо образование во државава дополнително придонесуваат во билатералните односи.

Секогаш вратите на нашата Амбасада ќе бидат отворени за Вас. Во овој контекст може да се обратите преку официјалните е-пошти на Амбасадата (konsolosluk.uskup@mfa.gov.tr; embassy.skopje@mfa.gov.tr ) и да ги пренесете Вашите ценети мисли и предлози.

Ќе продолжиме да работиме за пренесување на односите помеѓу Туркије и Северна Македонија на понапредно ниво во секое поле. Во оваа прилика, во мое лично име, во име на моето семејство и персоналот на Амбасадата ги изразувам моите најдобри желби и почитувања.

Алпер Акташ

Амбасадор на Република Туркије во Скопје

18 септември 2026 година